O cultivo ecolóxico é unha ferramenta imprescindible para a construción de estilos de vida sostibles. Pretendemos fomentar esta práctica entre cidadáns, cidadás e colectivos ampliando os seus  coñecementos do terreo para que logren autoabastecerse do meirande número de productos, mellorando así a súa alimentación e a súa saúde.

 

Propoñemos:

• O deseño e xestión de hortas en sintonía con asentamentos urbanos como poden ser: escolas, patios, vivendas.

• O mesmo deseño no rural: fincas, xardíns ou granxas.

 

Asumimos a execución destas tarefas formando aos usuarios para cultivaren de modo autosuficiente, dotándolles das técnicas básicas de cultivo ecolóxico:

• Creación de invernadoiros.

• Elaboración de compost e composteira.

• Preparación de alcouves.

• Controis de pragas.

• Mellora das condicións do solo, abonos orgánicos.

• Montaxe de sistemas de rego.

• Clima e meteoroloxía.

• Sembra directa e transplante.

• Asociación de cultivos.